වෙදමැදුර පිළිබඳ

වෙද පරම්පරාව පිළිබද විස්තර

අපේ පරම්පරාව පැවත ගෙන එන්නේ ඈත අතීතයේ සිටය. නීතියගම පරම්පරාවෙන් කරනු ලබන වෙදකම්

1කැඩුම් බිඳුම් වෙදකම

2 සර්වාංග වෙදකම

3 ඇස් වෙදකම

4 රත වෙදකම

5 සතුන් සදහා වෙදකම (පශු වෛද්‍ය වෙදකම)

6 අංශභාග වෙදකම

7ගුප්ත බලවේග ශිල්ප

8 යන්ත්‍ර මන්ත්‍ර ගුරුකම් ශාස්ත්‍රය

 

  • පරම්පරා වෙද පෙළපත

නීතියගම පරම්පරාවෙන් පැවත ගෙන එන වෙද පෙළපත පරම්පරා පහකින් යුක්ත ය.

1 පළමු පරම්පරාව

අප්පුරාල වෙදරාල (මුත්තා)

2 දෙවන පරම්පරාව

අප්පුරාල වෙදරාලලාගේ ඖෂධහාමි (ලොකු අත්තා)

3 තෙවන පරම්පරාව

අප්පුරාල වෙදරාලලාගේ කදිරාතේ (කිරි අත්තා)

4 සිව්වන පරම්පරාව

ඖෂධහාමිගේ සිරිසේන (මාමා)

5 පස්වන පරම්පරාව

තිලකරත්න මුදියන්සේලාගේ නිහාල්  ප්‍රේමතිලක (වර්තමාන වෙදැදුරු)

රෝග විනිශ්චය පිළිබද විස්තර

  • අප පාරම්පරික වෙද ක්‍රමය නම් නාඩි ශාස්ත්‍ර ක්‍රමයයි. මෙම නාඩි විනිශ්චය මගින් ශරීරයේ ලෙඩ රෝග ඉතාමත් නිවැරදිව සොයා ගැනීමට උපකාරී වේ.

 

  • කොපමණ වෙදකම් කළත් සුවයක් නොලද රෝගීන් වසර ගණන් වේදනා විදින රෝගී තත්තව පවා යම් යම් වෛද්‍ය ක්‍රමවලට පවා සොයා ගත නොහැකි රෝග ලක්ෂණ ඔබ දැක තිබේද?

අප පරම්පරාවෙන් කරනු ලබන වෙද ක්‍රමයට අනුව අප රෝගියාව දෙයාකාරයකට පරීක්ෂා කරනු ලබනවා.

පළමු ක්‍රමය

පළමු ක්‍රමය නම් නාඩි ක්‍රමය මගින් රෝගියාගේ රෝග හදුනා ගනු ලබන අතර එයට අදාළව වෙදකම් කරනු ලබනවා.

දෙවන ක්‍රමය

දෙවන පරික්ෂාව නම් නාඩි ක්‍රමයට අනුව ඔහුගේ දෝෂ පරික්ෂාවක්ද බලනු ලබනවා. එයින් ඉතා මනාව රෝග ද දෝෂ ද යන්න අප හදුනා ගනු ලබනවා.

  • දැන් ඔබ බලනවා ඇති මේ කියනු ලබන්නේ දේවාල ක්‍රමයක් ගැන කියා. එසේ නොවෙයි මෙය තමයි අප පරම්පරාගත වෙදකමේ තිබෙන විශේෂත්වය සහ ක්‍රමවේදය.

 

  • අප්පුරාල වෙදරාල

නීතියගම පරම්පරාවේ පළමු පරම්පරාව වශයෙන් ලංකාවාසී සත්ත්වයාට වෙදැදුරෙකුත් ගුරුවරයෙකුත් වෙමින් තෙල් බෙහෙත් ශාස්ත්‍රය‍ ගුරුකම් ශාස්ත්‍රය‍ පුස්කොළ පොත් හා තලපත් මගින් සියලු ශාස්ත්‍රයන් ලියා අනාගත පරම්පරාවන් වෙත දායාද කළ මුල් උරුමක්කාරයා වේ.

  • අප්පුරාල වෙදරාලලාගේ ඖෂධහාමි

නීතියගම පරම්පරාවේ දෙවන පරම්පරාව ලෙස හැදින්වෙන්නේ අප්පුරාල වෙදරාලලාගේ ඖෂධහාමි වෙදැදුරුය. ඔහු ද පුරාණයේ සම්මතය අනුව යමින් තම පියාණන්ගෙන් ලැබූ ආභාෂය මගින් ලංකාවාසී සත්ත්වයාට වෙදකම යන්ත්‍ර මන්ත්‍ර සෙත් ශාන්තිකර්ම මගින් ඉමහත් සේවාවක් කරනු ලැබූවෙකි. ඔහුගේ ඒ පරිණත වූ දැනුමත් අත්දැකීම් සම්භාරයත් පුස්කොළ පොත් හා තලපත් මගින් ලියා අනාගත පරම්පරාවට දායාද කර ඇත්තේය.

  • අප්පුරාල වෙදරාලලාගේ කදිරාතේ

නීතියගම පරම්පරාවේ තෙවන පරම්පරාව ලෙස පරම්පරාවටත් ලක්වාසී සත්ත්වයාටත් මහත් සේවාවක් කළ මහා යුග පුරුෂයෙකු ලෙසින් ද හැදින්විය හැක. අතීත පරම්පරාවේ ගෞරවය රකිමින් ඒ අනුව යමින් වෙදකම යන්ත්‍ර මන්ත්‍ර සෙත් ශාන්තිකර්ම කරමින් මුලු මහත් සමාජයටම යහපත් පුරවැසියෙකු ලෙසත්වෙදැදුරෙකු ලෙසත් ගුරුවරයෙකු ලෙසත් මුතුන් මිත්තන්ගේ ශිල්ප නව පරම්පරාවට එලෙසින්ම තලපත් පුස්කොළ පොත් සහ පොත්පත්වල ලියා දායාද කරමින් ඉමහත් සේවාවක් සැපයූ අයෙකි.

  • ඖෂධහාමිගේ සිරිසේන

වර්තමානයේ ජීවත්වෙමින් පරම්පරාවේ ගෞරවයත් අභිමානයත් රකිමින් මුල් පරම්පරාවේ වෙදකම් ගුරුකම් සෙත් ශාන්තිකර්ම කරන නීතියගම පරම්පරාවේ සිව්වන පරම්පරාව නම් ඖෂධහාමිගේ සිරිසේන වෙදැදුරුතුමන්ය. 21 වන සියවසේ පාරම්පරික වෙද ශාස්ත්‍රයට පණ පොවමින් නව ජවයක් එක් කරමින් පුරාණයේ සම්මතයට අනුව වෙද හෙදකම් තෙල් බෙහෙත් ශාන්තිකර්ම යන සියලු දෑ අනාගත පරම්පරාවට දායාද කරමින් ගුරුවරයෙකු ලෙසත්  ලෙසත්වෙදැදුරෙකු ලෙසත් ඉමහත් සේවයක් කරයි.

  • තිලකරත්න මුදියන්සේලාගේ නිහාල් ප්‍රේමතිලක

ඈත අතීතයේ සිට පැවත එන නීතියගම පරම්පරාවේ පස්වන පරම්පරාවේ උරුමකරු ලෙස තිලකරත්න මුදියන්සේලාගේ නිහාල්  ප්‍රේමතිලක වෙදදුරුතුමන් පාරම්පරික ශාස්ත්‍රීය ක්‍රමයන් සහ පාරම්පරික සර්වාංග වෙදකම දැනට වසර 13 කාලයක සිට මනා ලෙස පරම්පරා පොත පත තලපත් පුස්කොළ පොත් ආදියෙන් ද මැනවින් හදාරා ඇත. තෙවන පරම්පරාවේ අප්පුරාල වෙදරාලලාගේ කදිරාතේ වෙදැදුරුතුමාගේ මුණුබුරන් වන අතර සිව්වන පරම්පරාවේ ඖෂධහාමිගේ සිරිසේන වෙදැදුරුතුමාගේ බෑනණුවන් බහ තෝරන කාලයේ සිට වෙදකම යන්ත්‍ර මන්ත්‍ර ශාස්ත්‍රය සෙත් ශාන්තිකර්ම යන මේවා දැක අත්දැකීම් සහ පළපුරුද්ද ලබා පුරාණයේ තල්පත් පුස්කොළ පොත් පත් පරිශීලනය කර මෙම ශාස්ත්‍රය කරගෙන එනු ලබයි.

මෙම වෙදකම සත්ත පිහිටුවා පුරාණයේ සම්මතය අනුව ඉදිරියට කරගෙන යනු පිණිස තෙවන සහ සිව්වන පරම්පරාවල වෙදැදුරුතුමන්ලාගේ ආශීර්වාදයෙන් වර්තමාන වෙදැදුරු වන තිලකරත්න මුදියන්සේලාගේ නිහාල්  ප්‍රේමතිලක වෙදැදුරුතුමන්ට පවරා දී ඇති බැවින් අනාගත ලෝක සත්ත්වයාට පිහිටක් සෙතක් ශාන්තියක් උදාකර දීමට ඇප කැප වී සිටී.

අපේ පරමාර්ථය

නීරෝගී පුද්ගලයන්ගේ නීරෝගී බව ආරක්ෂා කිරීමත් රෝගී පුද්ගලයාගේ රෝග සමනය කර කිරීමත් ය.

අපි ඔබව සුව කිරීමට කැපවී සිටින්නෙමු

අප වෙද මැදුරෙන් ප්‍රතිකාර ලබා සුවය ලැබූවන්ගේ තොරතුරුවලින් බිදක්

  • දකුණු අත ටිකක් හිරිවැටිලා තිබුණා. ඒත් ගණන් ගත්තේ නෑ. නමුත් ටිකෙන් ටික හිරිවැටෙන ගතිය වැඩි වුණා. දන්න හැම තැනකින්ම බෙහෙත් ගත්තා. අඩු වුණේ නෑ. තවත් ටික කාලයක් යද්දි බෙල්ල හරවන්න පවා අපහසු වුණා. අත් දෙක උස්සන්න පවා බැරි වුණා. පසුව ලැබුණු ආරංචියකට මම වෙද මහත්තයා සොයා ගෙන ගියා. මාව පරීක්ෂා කර වෙද මහතා පැවසූයේ මාස එක හමාරක් වැනි කෙටි කලකින් මාව සුව කළ හැකි බවයි. නමුත් මා විශ්වාස කළේ නෑ. උදේ හවස තෙල් ගාලා සති දෙකක් තවන්න බෙහෙත් දුන්නා. මම සති දෙකකින් නැවත එන විට මගේ බෙල්ලේ සහ අත් දෙකේ අමාරුව ගොඩක් සනීප වෙලයි තිබුණේ. මම දිගටම බෙහෙත් ගත්තා. දැන් හොදටම සුවයි.

    ශ්‍යාමලී නදීකා මහත්මිය (කුරුණෑගල)
  • මගේ ඔලුවෙ පැත්තක් රිදෙන්න ගත්තා. දවසින් දවස අමාරුව වැඩි වෙනවා කියලා මටම තේරුණා. එක එක චැනල් සෙන්ටර්වලට ගිහින් ස්කෑන් කළා. බෙහෙත් ගත්තා. නමුත් කිසිම කෙනෙකුට ලෙඩේ හොයාගන්න බැරි වුණා. අවසානෙදි මට කිව්වෙ ස්නායු ආබාධයක් නිසා මෙහෙම වෙනවා කියලා. ඔය අතරෙදි මට දැන ගන්න ලැබුණා ශ්‍රීලක් පාරම්පරික වෙද මැදුර ගැන. කිසිම විශ්වාසයක් නැතුව මම ආවෙ. නමුත් වෙද මහත්තයා මාව පරීක්ෂා කරලා කිවුවෙ මාව සුව කරන්න පුලුවන් කියලා. මම සුමාන දෙකක් පමණ බෙහෙත් ගන්න කොට මටම තේරුණා සුවයක් තියෙන බව. මාසයක් වගේ යනකොට මට ගොඩක් සුව වුණා. මම දිගටම බෙහෙත් ගත්තා. දැන් මට හොදටම සුවයි.

    එස්. චාන්දනී මහත්මිය (පොළොන්නරුව)
  • මගේ කොන්දෙ අමාරුව නිසා මට කිසිම වැඩක් කරගන්න බැරුව හිටියේ. අඩුම     තරමින් එක විදිහකට නිදාගෙන ඉන්නවත්, ඉදගෙන ඉන්නවත් බෑ. ටිකෙන් ටික අතපය  හිරිවැටෙන්න ගත්තා. අවුරුදු ගාණක් වෙදකම් කළත් සුවයක් ලැබුණේ නෑ. නමුත් ශ්‍රීලක් පාරම්පරික වෙද මැදුරට ඇවිත් බෙහෙත් අරන් ටික දවසකින් මගේ රෝග සුව වෙන්න ගත්තා.

    ඒ.ඉන්දරාවතී මහත්මිය (කහටගස්දිගිලිය)
  • මම රිය අනතුරකට පත් වුණේ 2004 වසරේ. එයින් මගේ සුසුම්නාවට ගොඩක් හානි සිදුවෙලා තිබුණා. මට දෙපයින් ඇවිද ගන්න බැරුව හිටියේ. කිසිදු වැඩක් කර ගැනීමට බැරිව වසර හතක් පමණ දිගු කාලයක් සිටියා. මෙම වෙද මහත්මයා මා හමු වී මාගේ රෝගය බලා සුව කරන්නට පුලුවන් යැයි පැවසුවා. පසුව මා වෙද මහත්මයාගෙන් මාස දෙකක් පමණ බෙහෙත් ගත්තා. දැන් මට ඇවිදීමට සහ ඕනෑම වැඩක් කිරීමට පුලුවන්.

    කුලසේකර මහත්මයා (කැකිරාව)
  • මට දැන් වයස අවුරුදු 75යි. සෑහෙන කාලෙක ඉදන් මගේ දනහිස් ඉදිමෙන්න ගත්තා. මම ගොඩක් ප්‍රතිකාර ගත්තා. සුව වුණේ නෑ. මෙම වෙද මහත්මයා ගැන මට ආරංචි වෙලා හොයා ගෙන ගියා. පසුව වෙද මහත්තයා මාව පරීක්ෂා කරලා මට බෙහෙත් දුන්නා. දැන් මගේ දනහිස් අමාරුව හොදටම හොදයි. වෙද මහත්තයා මගේ ඇස් දෙක බලලා ඇස් පෙනෙනවා අඩු නේද කියලා ඇහුවා. මට හැම දෙයක්ම පෙනුණේ බොද වෙලා වගේ. අදුර ගන්න අමාරුවෙන් හිටියේ. පස්සේ මට කකුලේ නියවලට දින හතක් බදින්න බෙහෙතක් දුන්නා. එය බැද දින දෙක තුනක් යන කොට මගේ පෙනීම ටික ටික හොද අතට ආවා. මම වෙද මහතාට කතා කොට දැන් පෙනීම ටිකක් හොද යැයි පැවසූවා. මට දින හතම බෙහෙත බදින්න කිවුවා. මම ඒ විදිහට බෙහෙත් කරා. දැන් මගේ පෙනීම හොදට තියෙනවා.

    පියසේන මහත්මයා (පොළොන්නරුව)